SARRERA
Ba dira
aste batzuk, Madriletik etengabe
inposatzen dizkiguten murrizketen aurrean,
oinarrizko irizpide batzuk pasa
genituela. Azken asteetan, irizpide
horien garapen eta zehaztapen
lanari ekin diogu, irakurketa
orokorraz gain, praktikara bideratutako
erabaki zehatzak landuz.
Kontutan
izan behar dugu hala
ere, egin dituzten hainbat
dekreturen garapena nola egiten
den, beraiek ere (Madrilen)
ez dutela argi eta
Aldundi edo instituzio bakoitzean
ari direla lantzen. Bestalde,
oso kontutan hartu beharreakoa
da, datozen asteetan, balizko
erreskatea tarteko, oraindik ere
gehiago aldatu daitekezkela Madriletik
inposatzen ari diren baldintzak.
Egoera
ezegonkorra izanik ere, guk
gure irizpideak bateratu eta
urratsak norabide bakar batean
ematea ezinbestekoa da.
ELKARKIDETZA
Elkarkidetza,
Erkidego Autonomoko Udal eta
Foru Administrazioan negoziazio kolektibotik eratutako
EPSVa da. Berarekin bat
egindako instituzioen eta bertako
langileen ekarpenaz finantziatzen da.
Ekarpen hauek, bi eratako
egoerak babesten dituzte. Alde
batetik erretiroa eta bestetik
arrisku egoerak (alargun egoera,
ezgaitasun iraunkorra). Erretiroarentzat ekarpenaren
%90 bideratzen da eta
arrisku egoeretarako %10.
20/2011
Errege Dekretu Legearen irakurketa
literalak, 2012ko urtarriletik pentsio
planetara inolako ekarpen instituzionalik
egitea debekatzen zuen, tartean
EPSVetara ere. Aldiz, Elkarkidetzak
berak eskatutako txosten juridiko
batek, ekarpen horiek egiteko
aukera irekita mantendu zuen,
nahiz eta eztabaidagarria izan,
aukera hori gauzatu nahi
zuenarentzat babes juridikoa emanaz.
Hala
ere, gaia egikaritzerakoan zehaztasun
falta handia egon izan
da, Bilduk kudeatzen dituen
udaletan, jarrera ezberdinak izan
direlarik.
Orain
arteko zalantzak, 2012ko Estatuko
Aurrekontu Orokorren onarpenarekin argitu
dira: Modu argian, ekarpena
egiteko aukera baliogabetzen du.
Bestalde, Estatuko Abogazia Orokorrak
eta dagokion Zuzendaritza Orokorrak
ere, norabide berean ebatzi
dute. Arlo juridikoa argitua
geratu da beraz.
Guzti
hau kontutan hartuta, Bilduk
udal zein Foru Aldundietan
izan beharreko jarrera erabaki
behar du. Gure jarrera
ideia nagusi batean oinarritzen
da:, Eragile hau eta
antzekoen aurrean izan ditzakegun
iritzi desberdinak tarteko, Elkarkidetza
ez da estatuarekin desobedientzia
konfrontaziorako gai bat.
Eztabaidagarria
izan daiteke Elkarkidetzaren ibilbidea
eta azken urteetako bilakaera.
Administrazioak Elkarkidetza EPSVa sortzerakoan
zeuden behar eta baldintzak
eta urte askoren ondoren
hori zertan bailakatu den,
sakon aztertu beharreko gaia
dela pentsatzen dugu. Hala
ere, egin beharreko eztabaida
gainetik pasa eta bere
horretan Madrileko murruzketak guztiz
aplikatzea ez
zaigu egokia iruditzen. Era
berean, edukiari buruz zalantzak
izanik, estatuarekin konfrontazioa bukaerara
eramateko gaia denik ere
ez dugu uste.
Nahiz
eta udal askotan, langileak,
heriotza eta ezgaitasun egoerak
beste aseguru batzuen bidez,
zein erregimen orokorraren bidez
babestuak dituen, atal hori
babesten duen Elkarkidetzaren %
10 ordaintzeko hautua egiten
dugu.
Ondorioz,
eremu praktikoan, Udal eta
Foru Aldundietan gure jarrera
honako hau izango da:
ERRETIROAri dagokion
ekarpenik (%90) EZ EGITEA
eta ARRISKUAri dagokiona (%10) EGITEA.
Irtenbide honekin,
onuradunak heriotza eta ezgaitasun iraunkorraren aurrean
izan ditzakeen aukerarik ez galtzea lortzen
da, ezer ez ordaintzekotan bere
eskubideetan kaltetua izango delako.
Eta
garrantzitsuena,
Elkarkidetzarako
ekarpenarekin erabat EZ DA
MOZTEN (bistan denez, nabarmen
gutxitzen bada ere). Honek,
Elkarkidetzaren
eta bertara atxikia dagoen
langilearen arteko harremana mantentzen
du.
Gainerakoan, ardura
eskaeren aurrean, erabaki honek,
ziurtasun juridiko maila bat
eskaintzen du. Ez bait
da ehuneko zati txiki
bat besterik ordaintzen.
Idazkari
edo kontuhartzaileen aldetik jarrera desberdinak
egon daitezke:
a.-
Gaiaren aurrean inolako txostenik
ez egitea (toki askotan
gertatzen den bezala): Kasu
honetan, esandakoari jarraiki, %10
ordainduko dugu.
b.-
Udal Idazkariaren aldetik balizko kontrako txosten
baten aurkezpenaren aurrean, jarrera
hau berraztertzeko eta aldatzeko
aukera irekita geratzen da.
(Egoerarik aurre hartzeko udal
idazkariarekin aldez aurretik hitzegitea
ezinbesteko da).
ABENDUKO ORDAINKETA
BEREZIA (14. ORDAINKETA)
Abenduko
ordainketa kentzeak, de facto
%7-ko soldata jetxiera suposatzen
du. Azken urteetan egon
diren soldata jetxiera eta
konjelazio guztiei gehitu behar
zaie.
Gure
borondatea, eremu pribatuan bezala
publikoan ere langileek 14
ordainsari izatea da. Bide
politiko eta juridiko guztiak
jarriko ditugu martxan, arestian
aipatutako murrizketa horiez gain,
hau ere aplikatu ez
dadin. Beraz, Bildu abenduko
ordainsaria ordaintzearen aldeko da.
Hala
ere, gai honen aurrean
erabakia ezin dugu abendurarte
atzeratu. Gaur bertan bukatzen
diren kontratuen likidazioaren aurrean
jakin behar dugulako abenduko
ordainketari dagokion bataz bestekoa
ordaindu behar zaien edo
ez.
Honen
aurrean, Hego Euskal Herriko
eragile politiko, sindikal eta
sozialekin norabidea eta helburu
zehatzak adosten ditugu bitartean,
eta abendua baino lehen
likidatzen diren kontratuei dagokionez,
ABENDUKO ORDAINKETARI DAGOKION ZATIA ORDAINTZEKO erabakia
hartzen dugu. Abenduko ordainsaria
osorik ordaintzera bidean.
Abenduko
ordainsaria ordaindu ahal izateko
honako formula hauek begiratu
eta landu ditugu. Herri
bakoitzak berari egokiena deritzona
gauzatuko du.
Lehen aukera.
-
14.
ordainsari egin ahal izateko
Osagarri berri bat sortuko
dugu. Osagarriaren izena honako
hau izan daiteke: “ galdutako
eroste ahalmena berreskuratzeko osagarria”. Langile 14.
ordainsariaren kopuru orokorra kalkulatu
eta bakoitzari dagokionaren ordaina
eman
-
Alde
onak: Bere horretan eta
legez 14. ordainsaririk ez
da ordaintzen, beraz legalitaterik
ez litzateke urratuko.
-
Balizko
arazoak: Osagarriak zehaztuta daude
eta berria sortzeari helegite
administratiboa jarri diezaiokete.
Bigarren aukera
-
Soldata
aurrerapena: Langile orok dauka
soldata aurrerapena eskatzeko eskubidea.
Proposamen hau aukera horretaz
baliatuko da. Alegia, langile
bakoitzak soldata aurrerapena eskatuko
du. Soldata aurrerapena ez
da noski aurrekontuaren 1.
kapitulutik egingo, 8. kapitulutik
baizik. Ez da, beraz,
lehen kapituluan kotabilizatuko eta
ondorioz estatuak jasotzen dituen
gastu arrunten datuetan ez
da agertuko.
-
Hau
egin ahal izateko ez
da beharrezkoa 8. kapituluan
partida nahikorik egotea. Normalean
ez da egoten. Langileek
soldata aurrerapena eskatzen dutenean
kreditu aldaketa bat egiten
da eta kitto. Horretarako
sarreretan eta gastuetan 8.
kapitula egokitu egiten da
kreditu aldaketen bidez. Hortaz,
partida oso handia izanda
ere egin ahal izango
genuke inongo arazorik gabe.
-
Urrats
hori emanda zor bat
sortuko litzateke langileen eta
udalaren artean. Legeak 24
hilabetetako epea aurreikusten du
zor hori kitatzeko. Normalean
20 hileko soldatatik kuota
finko bat deskontatu ohi
da. Hala ere, kolpe
bakarrean ordain daiteke. Gure
kasuan kuota bakar batean
ordaintzea adostuko genuke.
-
Nola
kitatu zorra? Zorra bere
horretan barkatzerik ez genuke
izango. Kondonazioaren figura aztertzen
aritu gara baina nahiko
irregularra dela uste dugu.
Legezkotasunaren mugan egoteaz gain
politikoki ez da batere
txukuna. Beste aukera bat
gaur egun erretenituta dugun
pagaren kopurua ereabiltzea izango
litzateke. Printzipioz, ariketa kontable
bat izango litzateke. 20
hilabetetako epe horretan erretentzioa
altxatuko balute (bestelako funtzioetara
bideratzeko agindurik eman gabe,
noski) partida bera erabiliko
genuke zorra kitatzeko. Hori
justifikatu ahal izango genuke.
Epe horretan erretentzioa altxatuko
ez balute, edo
altxatuta ere beste funtzio
batzuetara bideratzea behartuko baligute,
lehen aukeran plantetazen den
gisako ariketa bat egin
beharko genuke: osagarri berri
bat sortu.
-
Alde
onak: Legalitatearekin ez du apurtzen.
Oinarrian legala den eskubide
batean gauzapenetik abiatzen da.
Bestalde, Gastu arruntetan agertuko
ez litzatekeenez zalantza handiak
ditugu estatu espainiarreko begiraleek
ariketa horren inguruko informaziorik
eskuratuko luketen. Gure iritziz
ez. Gainera, zorraren kitapena
gerorako utziko genuke, jada
egun duaden suspikazioa, morbo
eta bestelakoak gaindituta leudeken
garai baterako.
-
Balizko
arazoak: udal handietan horrelako
ariketarik egiterik badagoen zalantza
dugu. Udal horietan aztertu
beharko lukete.
Hirugarren aukera
-
Ordu
extren bidez ordaintzea. Jakina
da ordu extrak orokorrean
ez direla guk onartzen
ditugun bitartekoak. Beti ere
salbuespen gisa aplikatzen ditugu.
-
Egoera
hau salbuespen egoera larri
bat dela kontutan izanik,
ikuspuntu horretatik 14. ordainsaria
ordu extren bidez ordaintzea
planteatzen dugu
-
Alde
onak: Legelitaterik ez du
apurtzen. Langile gutxi dauden
herri txikietan erabilgarria izan
daiteke.
-
Balizko
arazoak: Herri handietan eta
langile kopuru handia dagoen
udaletan aplikazio zaileko proposamena
da.
Laugarren aukera
-
Ohiko soldata
ordainketa abenduaren 15ean egitea
eta urtarrilaren 2an 2013ko
uztaileko ordainsaria ordaintzea. Uztailean
abenduako eta horrela, egoera
bere onera ekartzeko aukera
izan arte.
-
Formula
bere beste modu batera:
14. ordainketa abenduaren 15ean ordaintzea, eta
urtarrilaren 1ean abenduko ohiko
soldata ordaintzea.
-
Alde
ona: Legalitatea errespetatzen du:
Langileek oro har ez dutela inolako ondoriorik jasango (bi
egun atzeratuko zaie soldataren
ordainketa).
-
Balizko
arazoa: Denboran zehar soldata
baten ordainketa atzeratzen dugu.
Egunen batean konpondu egin
beharko da egoera hau.
(*) Laugarren
aukera honek, gaur egunean arazoa dena,
etorkizunean arazo larriagoa sortzeko arriskua dauka. Beraz, lehen hiru aukerak
ondo aztertu eta bideak itxita aurkitzen baldin ba ditugu soilik aplikatuko
dugu. Edozein kasutan, aplikatu, aurretik egiturarekin harremanetan jarri.
Abenduaren 30 eko 20/2011 Errege Dekretu-legeak, eta uztailaren 13ko 20/2012 Errege Dekretu-legeak, jasotako zenbait xedapenen aplikazioari buruz
Errege
dekretu-lege hauek Administrazio publikoetako
langileen lan baldintzetan hainbat
murrizketa xedatzeko neurriak ezaertzen
dituzte. Neurri bakoitzerako prozedura
eta betearazpen maila desberdinak
aurreikusten dira.
1.-Langile publikoen lanaldia, baimenak eta
oporrak
Xedatzen diren
murrizketen araubidea "aintzat hartu
beharko da" baina Administrazioek ez
dute oztoporik langileek orain arte arlo
honetan onartuta izan dituzten lan-baldintzei eusteko. Baldintza
horiek negoziazio kolektiboaren bidez
adostuak edo onartuak izan
dira eta bidezkoa da
mantentzea. Beraz, ez dugu
planteatuko murrizketak egiteko neurririk arlo
hauetan.
Printzipioz,
esan bezala, ez litzateke
oztoporik egon beharko honetarako.
Hau da, ulertu behar
dugu egokia dela orain
arte zegoen arauketa hiru
arlo hauetan. Tokiren batean
galdera politikoren bat egongo
balitz edo teknikariren batek
argi ikusiko ez balu,
Errege-dekretua betetzen ari dela
kontsideratu behar dugu, gaia
negoziazio-mahaian ebatzi gabe dagoen
bitartean. Halere zehaztapen batzuk
kontuan hartzea ondo legoke:
LANALDIARI BURUZKO
ARGIBIDEAK
20/2011
Errege dekretu-legeak estatuko sektore
publikoko langile publikoen lanaldia
2012ko urtarrilaren 1etik aurrera
egokitzea agintzen du, egun
horretatik aurrera, asteko batezbesteko
lanaldia ezingo dela izan
37,5 ordutik beherakoa.
7/1985
legeak, toki-araubidearen oinarriak arautzen dituenaren
94. artikuluak xedatzen duenaren
arabera, tokiko Administrazioaren "funtzionarioen" lanaldia,
urteko zenbaketan, Estatuko Administrazio
Zibileko funtzionarioentzat jartzen den berdina
izango da.
Halere,
urte asko da, euskal
toki-Administrazioen kasuan, ordutegiaren moldaketa
beste modu batez egiten
dela, alegia, ez direla
asteko orduak arautzen, urteko
lanaldi osoko kopurua baizik.
EAEko
toki-Administrazio gehienetan edo guztietan
onartuta dagoen Udalhitz akordioan,
urtean 1592 orduko lanaldia
ezartzen da. Ordutegi horrek,
urteko lan-egun guztien batezbestea
eginez (2012an + 226
izan dira eta 2013an
+ 224 izango dira,
astean 35 orduko landaldia
ematen du. Udal batzuetan
hortik beherako lanaldia dute
onartuta.
Egutegiaren
arabera, urteko lanaldi efektiboa
egunean 7:30 ordutakoa izan
liteke, 1592 ordu horiek
212 egunen artean banatuz
gero.
Beraz,
inork arazoren bat ikusiko
balu oraingo egoera jarraitzeari:
-
Urteko
orduen banaketak egunean 7:30
edo gehiagoko emaitza ematen
du (37:30 ordu), egindako
egutegiaren arabera.
-
Nolanahi
ere gaia negoziazio mahaian
planteatuta dago.
BAIMENAK ETA
OPORRAK
20/2012
Errege dekretu-legearen 8 artikuluan, EPOEren
(7/2007 legea, Enplegatu Publikoaren
Oinarrizko Estatutua onartzen duena)
48. eta 50. artikuluak
aldatuz, langile publikoen baimenak
(lizentziak) eta oporren murrizketa
xedatzen du. Murrizketa hori
2013ko urtarrilaren 1etik aurrera
sartzen da indarrean (1.
Xedapen iragankorra):
-
EPOEren
48.1 artikuluaren sarrera aldatzen
da. Orain arte Administrazio
bakoitzari aitortu zaio baimenak
xedatzeko eskumena, eta EPOEk
ezarritakoak gutxienekoak izango zirela
xedatzen zuen. Orain aldatu
egin dute eta xedatzen
du horiek izango direla baimenak. Errege dekretu-legeak "funcionarios" esaten
badu ere, EPOEk berak
xedatzen du lan-itunpeko langileei
ere aplikatzen zaiela hor
xedatutakoa.
-
EPOEren
48.1.k) artikuluan jasotako 6
eguneko baimena, "por asuntos
particulares"
(baimen egun hauek lan
egindakotzat hartu izan dira),
3 egunera murrizten
da. Udalhitzen 60.1 artikuluan
jasota dago baimen hau.
Egun hauek "moscoso" bezala
ezagutzen dira langileen artean.
-
EPOEren
48.2 artikuluak jasotzen zituen
baimen-egunak kendu dira, "kanoso" bezala
ezagutzen zirenak langileen artean.
Kendutako baimen horren arabera,
langileek 6. hirurtekoa betetzetik
aurrera, urtean 2 egun
gehiago libratzeko eskubidea zuten
eta, 8.a betetzetik aurrera,
2 horiek eta
egun bat gehiago betetzen
den hirurteko bakoitzeko.
-
EPOEren
50. artikuluan, urteko oporrak
gutxienez
22 lanegunekoak izango direla
jasotzen izan da. 20/2012
EDLak gutxienez hori ezabatu
egin du. Beraz, aurrerantzean,
ez
gehiago
ez gutxiago 22 lanegunekoak izango
direla xedatzen du. Udalhitzen
24 lanegun izango direla
xedatzen da.
Esan
bezala, ez dugu murrizketarik
planteatuko langileek onartuta izan
dituzten lan baldintzetan. Inork
arazoren bat ikusiko balu,
baina bakarrik arazo larrien
bat izanez gero:
-
Negoziazio
mahaian baimen egun horiek
EPOEren 48.j) ren babespean
jarriko ditugu:
-
"48.j) Por
tiempo indispensable para el cumplimiento de
un deber inexcusable de
carácter público o personal
y por deberes relacionados con
la conciliación de la vida
familiar y laboral".
-
EPOEren
48.j)n jasotako baimenaren babespean,
gutxienez urtean 3 egun
hartu ahal izango dituzten
langileak eta, aintzinatasunaren arabera
beste 2 egun 6.
hirurtekoa betetzen denetik aurrera
eta egun bat gehiago
hirurteko bakoitzeko 8. hirurtekoa
betetzen denetik aurrera.
2.- Ordu sindikalak
Espainiako
legediak ordezkari sindikalei euren
lan sindikaletarako onartzen dieten ordu-kopurua
baino ordu-kreditu handiagoa onartzen
die Udalhitzek eta tokian
tokian egon daitezkeen lan-hitzarmenek.
Lege arautzaileak hauek dira:
Langileen Estatutua, EPOE eta
Askatasun Sindikalaren Lege Organikoa-Ley
Orgánica de Libertad Sindikal
(LOLS bezala ezagutzen da).
Adibidez,
126 langile dituen udal
baten, 40 lan-itunpeko eta
86 funtzionario, lege horiek
aitortzen duten hileko kredituaren
ordu kopuru osoa 120
ordu da. Udalhitzek, aldiz,
280.
Horrez
gain, Langileen Estatutuak eta
EPOEk delegatu guztien orduak
delegatu batzuetan pilatzeko aukera
ematen du, langile horiek
liberatuz. Udalhitzek pilaketa hori
erakundeen artean ere egitea
onartzen du 125 langile
baino gehiagoko erakundeen kasuan.
Udalhitzek
xedatzen duen urteko lanaldia
kontuan hartuta, langile bat
liberatzeko, erakunde barruko pilaketa
egiten den bitartean, bat
datoz Udalhitz eta lege
horiek: 1592 ordu pilatu
beharko lirateke urtean (132,66
ordu hilean).
Alabaina,
erakundeen arteko ordu pilaketa
egiten denean, legeen arabera
1592 ordu pilatu beharko
lirateke urtean (132,66 ordu
hilean), baina Udal hitzen
arabera, nahikoa da urtean
1350 pilatzearekin (112,5 ordu
hilean).
Beraz,
aurreko udaleko adibidea hartzen
badugu, 2 langile libera
litezke udal horretan eta,
gainera, 14,68 ordu sobratuko
lirateke. Hirugarren langile bat
liberatu ahal izateko, beste
erakunde baten edo batzuen
orduak beharko lirateke. Zenbat?
Legeen arabera, 117,98, Udalhitzen
arabera, 97,82.
20/2012
Errege dekretu-legearen 10. artikuluak xedatzen
du ezin izango dela
legeek aitortzen duten ordu
kopurua baino gehiagoko krediturik
eman eta EDLa indarrean
sartu ondoren (2012ko urriaren
1ean) baliogabeak izango direla hori
gainditzen duten itunak, akordioak
edo lan-hitzarmen kolektiboak.
Alabaina, jarraian
oso esaldi kriptikoa jasotzen
du:
-
"Todo ello
sin perjuicio de los acuerdos
que, exclusivamente en el ámbito
de las Mesas Generales
de Negociación, puedan establecerse en
lo sucesivo, en materia de
modificación en la obligación
o en el régimen
de asistencia al trabajo de
los representantes sindicales a efectos de
que puedan desarrollar racionalmente el
ejercicio de sus funciones
de representación y negociación o
adecuado desarrollo de los demás
derechos sindicales"
Aurreko
egoeretan bezala, kontuan izan
behar dugu eskubide horiek
negoziazio kolektiboaren bidez lortutakoak
direla eta mantentzearen aldeko
jarrera dugula. Beraz, aurreko
kasuetan bezala, ezer egin
gabe manten dezakegu egoera
kasurik gehienetan.
Halere,
opor-baimen-lanaldi trilogian baino arazo
gehiago sor litezke, batez
ere liberazioekin eta horiek
ordezkatzeko langileen kontratazioekin.
Arazoak
soruko balira Udalen baten,
arazoak ekidin nahi badugu,
transkribitu dugun paragrafoan jasotakoaren
arabera, orain arteko erregimena
berretsi dezakegu, hurrengo paragrafoan
azaltzen den ñabardurekin: Udaleko
Negoziazio Mahai orokorraren deialdia
egin eta berretsi. Hori egin
bitartean, egoera mantenduko dugu.
Liberaziorik balego, azkartu egin
beharko genuke berrespen hori.
Nola
berretsi?: Transkribatu dugun paragrafoak
aukera ematen du.
Jarrera
aurrerakoiagoenean, Udalhitzen ordu kopurua
jarri eta listo. Aukera
hau hobetsiko dugu. Halere,
arazorik egon liteke:
-
Gure
Udalean beste Udal bateko
orduekin dagoen delegaturen bat
egongo balitz, egiaztatu egin
behar dugu Udal horretan
ordu kopurua mantenduko duten
ala ez. Ez badute
mantenduko, aukera dugu langileari
leberazioa osatzeko falta zaizkion
orduak, 48.j) artikuluaren babespean
mantentzeko.
Bigarren
aukera bat ere egon
liteke, baina soilik aplikatuko
dugu arazo larria sortzen
zaigun tokietan. Jarrera kontserbadoreenean mantenduz,
baten batek esan lezake
ezin dela ordu kreditua
igo, baizik eta bakarrik
modificar la obligación o
régimen de asistencia, beti ere
Administrazio bakoitzaren borondatearen arabera.
Horrenbestez, lehen jarri dugun
Udalaren kasuan:
-
Legeak
120 ordu onartzen du,
Udalhitzek 280. Falta diren
orduak (160) lehen aipatu
dugun EPOEren 48.j) artikuluaren
babespean onartuko ditugu.
-
Liberatuta
dauden langileei ahalik eta
ordu sindikal "legal" gehien
esleitu eta falta direnak
48.j)
-
Gure
Udalean beste Udal bateko
orduekin dagoen delegaturen bat
egongo balitz, 48.j) artikuluaren
arabera mantenduko dizkiogu orduak.
-
Gure Udaleko orduak beste udal batean pilatuta badaude, ezin dugu "prestatu" legez onartuta dagoen ordu kopurua baino gehiago.
Gure
ustez, baina, ez dago
arazorik egungo erregimena berresteko.
ALDI BATERAKO
EZINTASUN BAJA
-
Aldi
baterako ezintasun bajaren aurrean,
langileen lehen egunetik %100
jasotzeko aukera izan dezatzen,
honako formula hau proposatzen
dugu.
-
Legeak
hau gauzatzeko aukera ematen
du, beti ere gutxienego
egoera batzuk babesten ba
dira. Egoera hauek zehaztea
instituzio bakoitzaren zeregina da.
-
Beraz,
gutxieneko absentismo tasa, normalean
instituzio horretan ohikoa dena
baino altuagoa jarri.
-
Beste
alde batetik, 100% jasotzeko
aukera ematen duten gaixotasuna
zerrenda luzea egin.
-
Azkenik,
honako hau da Gipuzkoako
Foru Aldundia eta sindikatuen
artean adostu den formula,
edozein udaletarako ere baliagarria
izan daitekeena.
-
“lansarien %100era arteko
osagarria ezartzea, ................-ko udaleko
langileei, aldi baterako ezintasun
bajaren lehen egunetik hasita,
baldin eta Erakundeko absentismoaren
indizea ez bada orotara
hartuta, %7 baino lehenago.
Lansari osagarri hori ordainduko
da edozein delarik ere
aldi baterako ezintasunaren sorburu
kontingentzia”.
